ماتغير ...بقلم الشاعر رشيد العطية

ماتغير ...
من البدايه للنهايه ماتغير ...
ماتغير لو عطوني كنوز هالدنيا حبيبي
ماتغير لو مشيت وحدي في دروبك أنا
ماتغير مثل الشجر في فصل الربيع
حتى وإن عده الخريف
وماتغير لو عدت على حالي ظروف
أرسل عيوني تدور
في ليالي الشوق عن أحوالك خبر
وماتغير ...
يامسافره بين نحري والوريد
وفي عيوني غافيه خلف النظر
وصمتي في حضرة العالم يطول
ونبضي في شرحه يقول
ماتغير ...
والصور تتحدى كل دواوين الشعر
والعواذل
والمسافه
والوشايه
والخطر
حبنا ماهو عابر سبيل
وماني خايف من أمواج بحر حبك
والعواصف في جزرك ومدك
ساعه ويصفى الوقت وقتي
وين ماصديت تلقاني اناجيك
وألقاك لمرايا الشوق مرسى
والكحل يرسم آية جلالك
وارتجف في حضرة عيونك
ونبضي لنبضك رسول
وصمتي في شرحه يقول
ماتغير ..!!