يسعد صباح أمى
ام العلم والعمل
والفلاحين والبيه
يا ام الرجال السمر
ساكن عروقى الحمر
اسمك ويأمر أمر
روحى ودمى أفديه
يا لحن يتغنى بيه
الولاد وعليه
ينشق ألف نهار
ويجمع الاخوات
والقلب ليهم دار
تشتد الف عزيمة
ينسو اللى عدى و فات
الكره فيهم مات
والغنوة فى صدرك
دقات ورا دقات
الله عليكى يا مصر
حملك أصيل وحلال
ما يجيبش الا رجال
اوعاكى تنسيهم
أحرارصغاروكبار
قلبك ريحان اخضر
مروى بدما الجدعان
يحميكى يا بلدى
من غدر كل جبان
احلف بسماكى حره
مش هتنازل ياحلوه
والضحكة اللى ف عيونك
اسقيها بدمعى تروى
الله عليك ياعيد
نفرح بلبس جديد
والكل راضى سعيد
وصباح الخير يامصر
ليست هناك تعليقات:
إرسال تعليق