ما حدش شاف بلد تايهة
يا اولاد الحلال
شكلها من بره اسمر
دمها شربات مكرر
حسنها الله اكبر
حضنها ..لم العيال
قلبها ابيض..وصافي
دمعها حنين ..ودافي
كنت اشيلها فوق كتافي
لما..بتسوووق الدلال.
تقسي لما تدوب صبابه
وتحن لما تزيد صلابة
طيبة وأم الغلابة..
حامدة شاكرة ف كل حال
ماحدش شاف بلد تايهة
يا اولاد الحلال..
ان لقيتها ..سلااااام امااانة
قل لها عيالك ...حزاني
والخانات مش ناقصة خانة
روح امانه عليك يا خال
قل لها ..وبزيادة توهة
قل لها ..حقوقك خدوها
قل لها ..بيقسموووووها
بالشمال ..وباليمين
واوعي تنسي تبوس ايديها
خلينا نطمن عليها
قل لنا ...ايه اللي بيها
ما احنا ياما الحمل مال
ايه اللي نابها من طيبتها
كلهم جايبين سيرتها
رجعوها تقوووول ..ياريتها
والاجابة من السؤال
ما حدش شاف بلد تايهة
يا اولاد ال ح. ل . ا .ل
................................
قصيدة بلد تايهة ٢٠١٣
شعر/عفاف التركي
ليست هناك تعليقات:
إرسال تعليق