بحبك يا مصر ------بحبك بكل ما فيكى
بحبك يا مصر ----- بحبك رغم مقاسيكى
بحبك وقلبى بينزف عليكى
بحبك وبقلبى وروحى افديكى
ده انتى ارضى واهلى وبيتى
ده انتى ارضى لا -------وارض كل العرب اللى حواليكى
انتى الام اللى بحنانها -------بتحضن اللى يجيلها وبتشيليهم فى عينيكى
انتى القلب اللى محفور جواها -------مكان لكل عربى بيدور عليكى
على حضن كبير يساعهم -------لانهم مش بيحسوا بالغربة فيكى
مهما روحنا ومهما بعدنا ---------بنرجع نبوس تراب اراضيكى
تشفى جروحنا بريح هواكى -------- نكحل عيوننا بنور رؤياكى
مهما قالوا يا مصر فيكى -------- مهما اتكاتلوا يا امى عليكى
عاوزين يوقعوكى -------بس هاتفضل راسنا مرفوعة بيكى
عروسة بدمنا بنكحل عينيكى
مهما قولت عنك -------- لحقك مش هاوفيكى
ده انتى امى وام كل مصرى وعربى --------- كرامتك من كرامته وهانفضل فخوريين بيكى
صبرتى كتير على المحن -------وقفتى فى وش الزمن
هتنهضى يا مصر من جديد ------شايلة على كتافك الوليد
اللى رضع منك الامل --------والرغبة انه يموت شهيد
شهيد فدا ترابك ------- وعزيمته من حديد
فى طريقك ياما اتعثرتى -------- عثرات كتير ما اتاثرتى
ولا اتهزيتى ولا دمعتى ----- ولا على اللى فات اتحسرتى
شعبها كلهم جنود ------- بيحموها جوا وبرا على الحدود
ياكلوا اللى يقرب ليها ------- دول من يومهم اسود
وانا افتخر انى مصرية ------ وامى مصر ام الاسود
ليست هناك تعليقات:
إرسال تعليق