كمل جميلك يابطل ...بقلم الاديب لشاعر سمير احمد القط

كمل جميلك يابطل
واعدل زمامها
انت اللى وافى بعهدها
وعارف مقامها
وانت اللى حابب زينا
نيلها وعلمها
وانت اللى حييت
الزعيم لما فهمها

كمل جميلك يابطل
.وامشى الخطاوى
واحنا وراك كلنا
والقلب ناوى
اوفى كمان بعهدنا
زِيح البلاوى
وبَدّل جراحنا وحزننا
بالفرح داوى

كمل جميلك يابطل
نسينا ماضى
سود حياتنا وغمنا
فرح اعادى
وباع قنالنا وارضنا
وبالنهضة نادى
وموت شبابنا
وَضَلنا وهو راضى

كمل جميلك يابطل
وفَكّرنا نصرك
شوفنا جمال عاد لنا
عَصره ده عَصرك
واللى يكون زينا
يهتف بأصلك
يبقى ده فرد مننا
نصره فى نصرك

كمل جميلك يابطل
واُسلك طريقك
ماعرفنا احنا واهلنا
ده مين صديقك
اللى يصون عرضنا
واللى رفيقك

كمل جميلك يابطل
رجع نهارنا
ايدينا فى ايدك يابطل
نعدل مسارنا
ما انت اللى حاسس زينا
ودايق مرارنا

كمل جميلك يابطل
وخد بايدنا
ده النصر شايف
فرحنا ايدك فى ايدنا
اعبر وهات شمسنا
ونور ياسيدنا
ونظف ساحة مصرنا
م اللى يعاندنا 

كمل جميلك يابطل
كمل جميلك يابطل
،،،،جميع الحقوق محفوظة للمؤلف رئيس التحرير،،،،،،،،