الشاعر سمير احمد القط يكتب: رحيل / مجلة الابداع الجميل

الزمن مابقاش زمانا
والمكان مابقاش مكانا
فينا شئ مات غصب عنا
والقلوب صابها الجراح
........
كنا ياما وياما كنا
شيبنا بدرى ومش اوانا
والطريق حاكم مصيرنا
كل شئ اهو فات وراح
..........
تهنا فجأة وتاه مكانا
وغيبنا تانى وراح امانا
والزمن اهو راح ماعنا
والالم اصبح مباح
.........
ليه بنشكى واحنا منا
اللى جرحه اقوى منا
واللى شامت او يخنا
ونفسه نغرق فى النواح
............
الزمن مابقاش زمانا
والمكان مابقاش مكانا
فينا شئ مات غصب عنا
والقلوب صابها الجراح

الحقوق محفوظة للمؤلف