بانام افكر
واحلم ف صحيانى
وسرسب حبى ف كيانى
والوذ بالصحرا أحيانا
والوذ بفيينا والكونغو
وكوبانى
واشقشق زى زهراية
ف ثغر اليلبل القانى
واكون ف البحر موج شارد
ف بطن حيتان
واكون ربان
ملايتى المخمل الروحى
وسادتى شقائق النعمان
جزيرتى المركب الطافى
على صدرى
بيتمخطر بكم فلة
وباقة جميلة
م المرجان
أدغدغ لحنى بين فكى
وبين وجدى
وبين نوتة وجع
حرمان
بيسمعنى عاشق رايح
ف ملكوته
بيتقلب على شوقه
ومن فوقه سحاب ألوان
شقوق أرضى على موعد
ورغم البرق باستوعد
ورعد بيخرق الكتمان
على جمهورى تأويلى
ونزف الحس
كالريحان
أنا لوحة وكم مشهد
ومين يلضم
على جيدُه
يرى كم عقد من لؤلؤ
وماسة يتيمة
والطوفان
ياعرَّب هوجو وبيكاسو
وترجم وقت طيرانى
بين القصرين
سلاحى نهر بيصحى
نوام الارض
والعطشان
ولما باهرَّب الفَجْرِة
ف كُم ضلوعى
كالرهوان
أموج ععشقا
وازقزق نور على الاكوان
انا الزيبق
أنا خالد
أنا خوفو
أنا محفوظ
أنا الانسان
ليست هناك تعليقات:
إرسال تعليق