رؤى..وحاله ...بقلم الشاعر احمد قمر

رؤى..وحاله .
والانسحاب ......استحاله .

هو وظله ،،،
رساله بدايه ونهايه،،
تحب نبدأ منين ،،
من دلوقت لو حبيت ،،
خايف ؟
أنا حاسس مش شايف،
قلقان،
وبعد القلق ،،و الضلمه ( النهار هيبان ،،)
تفتكر فيه أمل ،
ولو مفيش يعنى ،، ايه العمل ؟
حلمك أتاجل ولا انتهى ،، ولا اتاخر ؟
فى كل الحالات اكيد يوم هقدر ،،
ولو الوقت والعمر هرب منك ،
، تسلمه لمين من بعدك ،،
الحلم لو أتأجل اكيد ميعاده لسه مجاش ،
، ولو اتاخر يبقى ده قدرى وقدرك ،
بس انه ينتهى ،،، متهيالى صعب أوى .
ومن بعدى فيه ابنى أو بنتى ،،
هو انت فى اختبار ،،
حاسس بوخزه الانهيار،، انكسار،،
الحياه ، ( اعمار )
هترجع،
اللى جاى ( يوجع )
مستسلم ،،
متكتف،
تقدر تقول ،،، ( متاكد،، )
عاوز تبقى لوحدك ،، ولا اجى معاك ،،
فى كل الحالات انت ظلى طول النهار ،
، ولما ييجى الليل بدعى النهار يطلع وانا قاعد بستناك ،،
امتى نرجع،،
اهو ده السؤال اللى رده ممكن ( بجد يوجع )،،،
أحمد ،،،