قوم إيـــــد قناديلي
خد ياللا بإيدى
ماهو انت دليلى
بانادي عليك
هات ياللا إيديك
خطى لقدام
تسلم خطاويك
أيوه انت يامصري
أيوه انت الأصلي
إثبت للعالم
إن بإيـــدك نصري
إنزل واختار
اياك تحتار
مين يبقى كبيري
ويمشى المشوار
ما هو أنا.. ولاده
عظمـاء كالعاده
اى مافيكوا
هايجيبلي رياده
انا هاستناك
والصحبه معاك
هايسمعوا صوتنا
هنا .. واللا هناك
ما تردش إيدي
وتخلف مواعيدي
انا عشمى كبير
ف ناسى ومواليدي
عارفه إنك ولدي
ف الشده بتدي
ليا الغالـي بيرخص
وبروحك تفدي
هاتجيبلي النصر
و أنا هافضل مصر
دايما ف العالي
ما انا ضد الكسر
انا ضد الكسر .. انا ضد الكسر
ليست هناك تعليقات:
إرسال تعليق