كلام لزوم الكلام "هاستاغ جماعة الابداع الجميل بقلم الشاعر محمد عبد الرحمن حجازى

كلام لزوم الكلام

ما بين السطر والمسطور
حدود البوح بتتملى
ف لغز الروح
ومستورنا
ومقدورنا بلا علة
وتترجى على لساني
زمان تاني ميشبهش
زمان المغرمين بالصمت
ويا بكره أنا وشمك على وقتك
ونقشك فوق جدور الصمت
وحلفتك
بخط النسخ والرقعة
وروح إقرأ وبالواقعة
تحاجي علينا بين إيدك
ويا بكرة إذا جيتك
بتوب يأسي متنكرنيش
دنا اللي ف حلمي خبيتك
وعديتك من التهميش
متتركنيش بلا داعي
أدور جوه أوجاعي
على لحظة ما بتصديش
وصبرني على وقتي
وع الخلق اللي بتوطي
وتدفن صوتها ف سكوتها
وتتحجج بأكل العيش

#جماعة_الإبداع_الجميل