رساله إختيارى بقلم احمد قمر

رساله إختيارى ..
وجايز إجبارى ..
بس لذيذه وعجبانى ..
ربنا يستر ..
ياعم ياللى إنت فاكر نفسك جويده او درويش او حتى نزار ..
فكها شويه علينا ..كفاياك جد ..وخدها حبه فرفشه وهزار ..
على طول ماسك كلاسيك ورومانسى ..
مفيش شويه شعبى أو حتى دقه زار ..
هو إنت فاكر كل الناس هاى كلاس .
وهاى وباى وجود موريينج وبنجوور ..
لا يا غالى .
فيه ناس كمان صباحهم بيبدأ على فرن عيش وسوق خضار ..
إحنا مش بتوع ميكب ومانيكير وباديكير وكوافير واستشوار ..
ولا إحنا لينا فى السوشى والجمبرى والاستاكوزا والكافيار ..
إحنا بلدى ..وبلدى بالسمن البلدى والمحشى والكشرى والبومبار.
إحنا الدلع .ومنديل بأويه على الراس بلدى .
وملايه لف وعين تلفك لف بجد مش هزار ..
أقولك حاجه يا سى اﻷستاذ .
هقولك كده حته شعر بلدى يادوبك لسه طازه نازله من على النار.
لا تقوللى وسع يا جدع ..لقلب حد إتألم وإنخلع ..
لما اللى حبه فى لحظه باعه .وهجره وخدع ..
ومن اول لهفه يا عين أمه حس بيه وقلبه ولع .
وفى اﻷخر جه إبن اللذين هرب منه وإحساسه كله هلع ..
وعجبى ...